En þegar andi sannleikans kemur mun hann leiða yður í allan sannleikann. Það sem hann segir yður hefur hann ekki frá sjálfum sér heldur mun hann segja yður það sem hann heyrir og kunngjöra yður það sem koma á.
Jóhannesarguðspjall 16.13

Ég leiði blinda um braut sem þeir rata ekki,
læt þá ganga vegi sem þeir þekkja ekki,
ég geri myrkrið fyrir augum þeirra að birtu
og ójöfnur sléttar.
Þessi verk vinn ég
og læt það ekki ógert.
Jesaja 42.16

Þótt ég lyfti mér á vængjum morgunroðans
og settist við hið ysta haf,
einnig þar mundi hönd þín leiða mig
og hægri hönd þín halda mér.
Og þótt ég segði: „Myrkrið hylji mig
og ljósið í kringum mig verði nótt,“
þá mundi myrkrið eigi verða þér of myrkt
og nóttin lýsa eins og dagur,
myrkur og ljós eru jöfn fyrir þér.
Sálmur 139.9-12

Hjarta mannsins velur leið hans
en Drottinn stýrir skrefum hans.
Orðskviðirnir 16.9