Í gær 31. október héldu hjónin Þorsteinn Sigurðsson og Aðalbjörg Magnúsdóttir (eða Steini og Didda) upp á 68 ára brúðkaupsafmæli í faðmi fjölskyldu sinnar.

Við óskum þeim og afkomendum þeirra innilega til hamingju.

Þann 5. júní sl. varð Kristján okkar Friðbergsson áttræður.

Fjörlegur hópur ættingja, vina og safnaðarsystkina kom saman sunnudaginn 6. júní til að halda honum veislu. 

Kristján er Reykvíkingur í húð og hár, fæddist við Laugaveg. Hann hefur m.a. starfað sem vélstjóri á báti og sem bílstjóri. Hann hefur og stofnað og starfrækt  Dvalar- og hjúkrunarheimilið Kumbaravog á Stokkseyri um árabil.

Fyrri kona Kristjans hét Hanna Halldórsdóttir en hún lést árið 1992. Síðari kona hans er Unnur Halldórsdóttir.

Við óskum áfmælisbarninu Guðs blessunar.

Þann 19. júni var hátíðleg stund í fjölskyldu Fróða og Hörpu. Þriðja barn þeirra, Karen Lillý var helgað í Reykjavíkurkirkju. Við samgleðjumst þeim og óskum allri fjölskyldu Guðs blessunar.

Hér er stutt myndskeið af athöfninni.

Þann 28. febúar 2010 var hátíð í Neðra-Hundadal. Við báðum fyrir Daldísi Ronju Líndal, dóttur Jens og Sigurdísar. Siðurdís er dóttir Maríu og Sigursteins Hjartarsonar.