Á erindi þá og nú

Laugardaginn 10. október bjóðum við safnaðarmeðlimum, fyrrverandi meðlimum, vinum kirkjunnar og öllum öðrum að fagna með okkur merkum áfanga í sögu Aðventkirkjunnar í Reykjavík: 120 árum frá stofnun safnaðarins og 100 árum frá vígslu kirkjubyggingarinnar við Ingólfsstræti.

Undir yfirskriftinni „Á erindi þá og nú“ munum við líta um öxl og minnast leiðsagnar Guðs í gegnum söguna og fagna áframhaldandi hlutverki kirkjunnar í að deila trúnni, byggja upp trúarsamfélag og þjóna íslenska samfélaginu. Dagurinn verður fylltur tilbeiðslu, tónlist, þakklæti og framtíðarvon.

Á morgunsamkomunni fögnum við skírnum í kjölfar opinberra samkoma sem haldnar voru í Reykjavík, Hafnarfirði og á Selfossi. Um kvöldið mun sprotakirkjan Shuv leiða sérstaka samkomu þar sem mun eiga sér stað skírnarathöfn.

Á hátíðarsamkomunni síðdegis verða fluttar kveðjur frá borgaralegum og kirkjulegum leiðtogum, tónlistaratriði og hugleiðingar um 120 ára sögu safnaðarins og aldarafmæli kirkjubyggingarinnar. Sérstök tónlistaratriði verða í höndum kóra sem hafa haft aðsetur í kirkjunni í gegnum árin og endurspegla þannig sess byggingarinnar, ekki aðeins í lífi safnaðarins heldur einnig í samfélaginu öllu.

Dagskrá

• 10:00 Morgunsamkoma og skírn á Ingólfsstræti

• 13:00 Hádegisverður í Suðurhlíðarskóla

• 15:00 Afmæliskaka og samfélag á Ingólfsstræti

• 16:00 Afmælistónleikar

• 18:00 Kvöldverður – Súpa og brauð

• 19:00 Kvölddagskrá í umsjón Shuv-kirkjunnar, þar sem skírn mun fara fram

Hvort sem þú hefur verið hluti af söfnuðinum í mörg ár, átt minningar tengdar kirkjunni eða vilt einfaldlega fagna með okkur, þá ertu hjartanlega velkominn þegar við þökkum fyrir fortíðina og horfum saman til framtíðar.

Aðventkirkjan í Reykjavík