Kirkja Sjöunda dags aðventistar

Barnastarfið hefur eignast litla sundlaug og verður hún óspart notuð á sumarmótinu. Vinsamlegast hafið því með ykkur handklæði og sundföt eða amk föt sem má busla í. Við stefnum líka á að leika okkur upp við læk og jafnvel förum við líka í fjöruferð svo endilega verið viðbúin, jafnvel þótt ekki sé ætlunin hjá öllum að stoppa alla helgina.

Undanfarna miðvikudaga höfum við gert tilraunir með nýja tegund af sumarstarfi: Skútusiglingum!

Langar þig til að prufa?

Siglingin tekur um 3 klst en er auðvitað háð veðri og vindum. Við getum tekið 5-7 farþega í senn. Það er nauðsynlegt að skrá sig fyrirfram.

Jæja, langar ykkur að vita aðeins hvað er planað fyrir unga fólkið á sumarmótinu? Þrátt fyrir að margir séu horfnir til Finnlands þýðir það ekki að við munum ekki plana neitt. Þvert á móti, við getum leyft okkur að gera eitthvað sem annars væri ómögulegt ef allir væru á staðnum. Dagskrána fyrir unga fólkið getur þú séð hér að neðan.

Verslunarmannahelgina 30. júlí – 2. ágúst

Við minnum á sumarmót Kirkjunnar sem haldið verður um Verslunarmannahelgina í Hlíðardalsskóla.  Hjónin Don og Marti Schneider verða ræðumenn sumarmótsins að þessu sinni.

Don Schneider var formaður Norður-Ameríkudeildarinnar frá 2000 – 2010 og Marti hefur starfað sem Shepherdess leiðtogi (starf fyrir maka presta) í sömu deild og sem stjórnandi í SEEDS sem er árleg ráðstefna í Norður Ameríku um stofnun nýrra safnaða.  Don er stjórnandi sjónvarpsþáttarins ”Really Living” (líf í raun og veru) þar sem hann býður gestum sínum að deila með áhorfendum hvernig það er að lifa lífinu í nánum tengslum við Jesú – hinu raunverulega lífi.  Þetta mun verða efni Dons á sumarmótinu í ár og Marti mun segja okkur frá stórkostlegri uppgötvun sinni hvað snertir lestur Biblíunnar og kenna okkur þá aðferðafræði sem hefur breytt hennar lífi.